আজি ৰাজ্যজুৰি পালন কৰা হ’ব কাতি বিহু ৷ বানে ধুই যোৱা পথাৰত জ্বলিব আকাশ বন্তি৷ ঘৰে ঘৰে তুলসীৰ তলত থাপনা পাতি জ্বলোৱা হ’ব চাকি–বন্তি৷ কাতি বিহুৰ বাবে পূর্বৰ দৰে ৰাইজৰ মাজত পৰিলক্ষিত হোৱা নাই উছাহ–উদ্দীপনা । মহামাৰী কৰ’নাৰ ফলতেই এইবাৰ কেৱল পৰম্পৰা ৰক্ষা কৰি পালন কৰা হ’ব কাতি বিহু৷ লখিমীক আদৰিবলৈ অসমৰ কৃষকে প্রস্তুতি চলাব পথাৰত ৷
সমান্তৰালভাৱে এই বছৰত অহা ভয়ংকৰ বানপানীত ৰাজ্যৰ কৃষকসকল ক্ষতিগ্রস্ত হৈছে৷ বহু স্থানত বানে নষ্ট কৰিছে খেতিডৰা ৷
ইয়াৰ মাজতে পৰম্পৰা ৰক্ষা কৰি আজি কৃষকসকলে পালন কৰিব কাতি বিহু৷ সন্ধ্যা হোৱাৰ লগে লগে আকাশ বন্তিৰে জিলিকি উঠিব সেউজীয়া খেতিপথাৰ৷ আধ্যাত্মিক পৰিবেশবিৰাজমান হ’ব অসমবাসীৰ পদূলি৷