গোলাঘাটৰ ৩৯ নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা৷ থিতাতে নিহত এজন।
আজি গোলাঘাটৰ ৩৯ নং ৰাষ্ট্ৰীয় ঘাইপথ ৰঙাজানত তীব্ৰ বেগি ডাম্পাৰৰ খুন্দাত থিতাতে নিহত হয় কোৱানী অঞ্চলৰ মেথোৱাল টাল নামৰ এজন লোক।
প্ৰাপ্ত তথ্য অনুসৰি নিহত মেথোৱালে পুত্ৰ আৰু ভতিজাক স্কুললৈ বুলি AS05 K0691 নম্বৰৰ মটৰ চাইকেলখনলৈ আহি থাকোঁতে পাছফালৰ পৰা AS05 AC 1026 নম্বৰৰ তীব্ৰ বেগি ডাম্পাৰে খুন্দিওৱাৰ ফলত থিতাতে মৃত্যু হোৱাৰ লগতে ছাত্ৰ দুজন কম বেছি পৰিমাণে আহত হয়।
উল্লেখ যে, গোলাঘাটত তীব্ৰ বেগি ডাম্পাৰৰ বিৰুদ্ধে বিভিন্ন সময়ত ৰাইজে জিলা প্ৰশাসন তথা আৰক্ষীক অভিযোগ কৰি আহিছিল যদিও এই ক্ষেত্ৰত কোনো গুৰুত্ব আৰোপ নকৰাৰ অভিযোগ উত্থাপন কৰিছে স্থানীয় ৰাইজে।