মহামাৰী ক’ৰোনাই প্ৰাণ কাঢ়িলে বলিউডৰ এক সংগীত তাৰকাৰ ।
ক’ভিড-১৯ ত আক্ৰান্ত হৈ প্ৰাণ হেৰুৱালে জনপ্ৰিয় সংগীত পৰিচালক শ্ৰাৱনে ।হিন্দী চিনেমা জগতৰ ইতিহাসত শ্ৰেষ্ঠ সংগীত পৰিচালকৰ সফল যুটি নাদিম শ্ৰাৱনৰ অন্যতম শ্ৰাৱণ কুমাৰ ৰাথোড়ৰ যোৱানিশা ক’ভিড-১৯ত আক্ৰান্ত হৈ মৃত্যু ঘটে ।
৯০ দশকৰ পৰা ২০০৫ চনলৈকে অনেক জনপ্ৰিয় হিন্দী ছবিৰ সংগীতেৰে কোটি কোটি জনতাক মুগ্ধ কৰা শ্ৰাৱণ ৰাথোড়ৰ মৃত্যুত সংগীত জগতত শোকৰ ছাঁ পৰিছে । কুম্ভমেলাত অংশগ্ৰহণ কৰাৰ পাছতেই ক’ভিডত আক্ৰান্ত হৈছিল ৰাথোড় ।
সংকটজনক অৱস্থাত হস্পিতালত ভৰ্তিকৰোৱাৰ পাছতেই যোৱানিশা প্ৰায় ১০.১৫ বজাত শেষ নিশ্বাস ত্যাগ কৰে । বলিউড ছবি জগতৰ শিল্পীসকলে ছ’চিয়েল মেডিয়াযোগে শ্ৰাৱনৰ মৃত্যুত গভীৰ শোক প্ৰকাশ কৰি পৰিয়াললৈ সমবেদনা জ্ঞাপন কৰিছে ।