দিল্লীত যোৱা ২৫ অক্টোবৰত অনুষ্ঠিত হয় ৬৭ সংখ্যক ৰাষ্ট্ৰীয় চলচ্চিত্ৰ বঁটা প্ৰদান অনুষ্ঠান।ভাৰতৰ উপ ৰাষ্ট্ৰপতি এম ভেংকায়া নাইডুৱে বঁটা প্ৰদান কৰে এই বছৰৰ বিজয়ী প্ৰাৰ্থীসকলক । বঁটা বিজয়ীসকলৰ ভিতৰত আছে বলিউডৰ বিশিষ্ট অভিনেত্ৰী কংগনা ৰাণাৱত আৰু অভিনেতা মনোজ বাজপেয়ী।
“Manikarnika” আৰু “Panga” নামৰ চিনেমাত কৰা অভিনয়ৰ বাবে কংগনায়ে লাভ কৰে শ্ৰেষ্ঠ অভিনেত্ৰীৰ বঁটা । পৰম্পৰাগত শাৰী পিন্ধি অভিনেত্ৰীগৰাকীয়ে মঞ্চলৈ গৈ গ্ৰহণ কৰে তেওঁৰ বঁটা । কংগনা ৰাণাৱতৰ এইয়া চতুৰ্থ সংখ্যক ৰাষ্ট্ৰীয় বঁটা । ইয়াৰ পূৰ্বে “Queen”, “Tanu weds Manu Returns” আৰু “Fashion” নামৰ চিনেমাৰ কেইখনৰ বাবেও শ্ৰেষ্ঠ অভিনেত্ৰীৰ বঁটা তথা তেওঁৰ চৰিত্ৰৰ বাবে শ্ৰেষ্ঠ সহঅভিনেত্ৰীৰ খিতাপ লাভ কৰিবলৈও সক্ষম হৈছিল।