কোহলীক শ্ব’কজ নটিচ দিছিল নে ? কি কলে সৌৰভ গাংগুলীয়ে
অব্যাহত আছে ভাৰতীয় ক্ৰিকেটৰ দুই মহাৰথীৰ সংঘাত ভাৰতীয় দলত অব্যাহত আছে দুই মহাৰথী বিৰাট কোহলী আৰু সৌৰভ গাংগুলীৰ মাজত সংঘাত । দক্ষিণ আফ্ৰিকা ভ্ৰমণলৈ ৰাওনা হোৱাৰ পূৰ্বে এক সাংবাদিক সন্মিলনত কিং কোহলীৰ কিছু কথায়ে আঘাত কৰিছিল সৌৰভক। টি-২০ ফ’ৰ্মেটৰ নেতৃত্ব এৰাৰ কথাৰ কোনেও বিৰোধিতা নকৰা বুলি কৈছিল কোহলীয়ে। কোহলীৰ এই বিবৃতিয়ে সৌৰভক মিথ্যাবাদী বুলি প্ৰমাণিত কৰিছিল। কোহলীৰ কাণ্ডত খৰ্গহস্ত সৌৰভে হেনো বিৰাটলৈ চিঠিও লিখিছিল, কিন্তু ব’ৰ্ডৰ কৰ্মকৰ্তাৰ হস্তক্ষেপৰ বাবেহে চিঠিখন প্ৰেৰণ কৰা নহ’ল।
এনেবোৰ কথা বতৰাই বিগত কিছুদিন ধৰি সংবাদ শিৰোনাম দখল কৰা পাছতে সেই সন্দৰ্ভত মুখ খুলিছে গাংগুলীয়ে, সৌৰভ গাংগুলীৰ স্পষ্টমত, ‘বিৰাট কোহলীলৈ কাৰণ দৰ্শোৱাৰ জাননী প্ৰেৰণৰ কোনো পৰিকল্পনা নাছিল। কাৰণ দৰ্শোৱাৰ জাননী প্ৰেৰণ কৰা কথাতো মিছা।’স্বাভাৱিকতে সৌৰভৰ মন্তব্যৰ বাবে অধীৰ আগ্ৰহেৰে বাট চাই আছিল অনুৰাগীয়ে।
News Desk E News Ne