সাংবাদিকৰ সন্মুখতে অদৃশ্য শক্তিৰ অলৌকিক কাণ্ড। মূহুৰ্তৰ ভিতৰতে ঘৰৰ সামগ্ৰী এঠাইৰ পৰা স্থানান্তৰ হৈছে অন্য ঠাইলৈ ৷ অপশক্তিয়ে খেদি ফুৰিছে ছয়গাঁও সমষ্টিৰ গৰৈমাৰী সত্ৰ গাঁৱৰ এটা পৰিয়ালক ৷কেমেৰাৰ আগত হাতযোৰ কৰি সহায় ভিক্ষা খুজিছে দুৰ্ভগীয়া পৰিয়ালটোৱে৷ এই ঘৰটোলৈ মন কৰক- এই ঘৰটোত বসবাস কৰে এটি শিশু সন্তানসহ দুজকৈ প্ৰাপ্ত বয়স্ক লোক ৷
বিগত দুমাহ ধৰি পৰিয়ালটোৰ টোপনি কাঢ়িছে এটা অদৃশ্য শক্তিয়ে ৷ গৰৈমাৰী সত্ৰ গাঁৱৰ দেবেশ্বৰ মেধি নামৰ ব্যক্তিৰ পৰিয়ালটোৱে সচাকৈয়ে পৰিছে মহাসংকটত৷দুমাহ ধৰি বিনিদ্ৰা ৰজনী কটোৱাৰ লগতে ভয় আৰু শংকাত ভূগিছে দুৰ্ভগীয়া পৰিয়ালটোৱে৷ ইতিমধ্যে দেবেশ্বৰ মেধিৰ ঘৰত অদৃশ্য শক্তিয়ে বিপদাপন্ন কৰাকলৈ গাঁওবাসীৰ মাজত সৃষ্টি হৈছে তীব্ৰ চাঞ্চল্য ৷
গাঁওবাসীৰ মাজতো সৃষ্টি হৈছে আতংকময় পৰিবেশৰ ৷ উপায়বিহীন হৈ সাংবাদ মাধ্যমৰ জৰিয়তে বিচাৰিলে সহায়৷ কোনো ব্যক্তিয়ে যদি ইয়াৰ সমাধান দিব পাৰে তেন্তে আগবাঢ়ি আহিবলৈ কাতৰ আহ্বান জনাইছে দেৱেশ্বৰ মেধিৰ পৰিয়ালে৷