- ৰাষ্ট্ৰীয় টিভি চেনেল জি টিভি-ৰ ডিআইডি লিট’ল মাষ্টাৰত জিলিকিছে গোগামুখৰ আপ্পুন পেগু৷
ধেমাজি জিলাৰ গোগামুখৰ কণমানি নৃত্যশিল্পী আপ্পুন পেগুৱে ডান্স ইণ্ডিয়া ডান্সত সকলোৰে মন জয় কৰিবলৈ সক্ষম হৈছে৷ ৰাষ্ট্ৰীয় পৰ্যায়ৰ প্ৰতিযোগিতাখনত নিজৰ প্ৰতিভাৰে উজলি উঠা আপ্পুনে বিচাৰকৰ মন জয় কৰিবলৈ সক্ষম হৈছে৷
উল্লেখ্য যে, আপ্পুন পেগুৰ বয়স বৰ্তমান আঠ বছৰ৷ জন্মগতভাৱে হৃদৰোগত আক্ৰান্ত আপ্পুনে এই জটিল তথা সংকটজনক পৰিস্থিতিৰ মাজতে গোগামুখ কচুতলিৰ ককা পৰমানন্দ পেগু আৰু আইতাক চিত্ৰাৱতী পেগুৱে আপ্পুনৰ দুখৰ সমভাগী হ’বলৈ ওলাই আহে৷
এতিয়া জটিল ৰোগকো একাষৰীয়া কৰি লিট’ল মাষ্টাৰৰ চূড়ান্ত পৰ্যায়লৈ অগ্ৰসৰ হোৱাৰ পথত আপ্পুন৷আৰ্থিক দৈন্যতাক একাষৰীয়া কৰি ককা আৰু আইতাকে আপ্পুনৰ বাবে সৰ্বস্ব ত্যাগ কৰি জয়ী কৰিবলৈ আপ্ৰাণ চেষ্টা কৰিছে৷ বহুজনে আগবঢ়াইছে সহায়ৰ হাতো৷