সমগ্ৰ দেশৰ চিনেমা হলতেই চলে এটা বিশেষ বিজ্ঞাপন। সেয়া হৈছে ধূম্ৰপান বন্ধ কৰাৰ আহ্বান। এই বিজ্ঞাপনটো আৰম্ভ হোৱা প্ৰায় ৫ বছৰ হ’ল আৰু বহুবাৰ চোৱাৰ পিছত মানুহৰ মনত এই প্ৰশ্ন উত্থাপন হৈছে – নন্দুৰ চৰিত্ৰত অভিনয় কৰা এইজন অভিনেতা কোন?
আজি আমি আপোনালোকক ক’ম নন্দুৰ বিষয়ে। নন্দুৰ প্ৰকৃত নাম অজয় পাল। তেওঁৰ বয়স ৪০ বছৰ আৰু তেওঁ থাকে ভূপালত।
অজয়ে পাল এজন আইনৰ ছাত্ৰ আছিল। কলেজীয়া দিনৰ পৰাই থিয়েটাৰত যোগদান কৰিছিল আৰু দেশৰ বিভিন্ন চহৰত অভিনয় কৰিবলৈ গৈছিল। এনেকৈয়ে আৰম্ভ হৈছিল অভিনয় যাত্ৰা । চনী এণ্টাৰটেইনমেণ্ট টেলিভিছনত ‘শ্বাহীন’ নামৰ এটা শ্ব’ আৰু আৰু কেবাখনো ছিৰিয়েল তেওঁ কৰিছিল।
২০১০ চনত আমিৰ খানৰ প্ৰডাকচন পিপলি লাইভতো অভিনয়ৰ সুযোগ পাইছিল। ছবিখনত তেওঁ নাথাৰ চুবুৰীয়াৰ চৰিত্ৰত অভিনয় কৰিছিল, যাৰ নাম বাক্কি।
” পিপলি লাইভৰ পিছতহে অজয় মুম্বাইলৈ ৰাওনা হৈছিল । আৰু আৰম্ভ হৈছিল অভিনয়ৰ সংগ্ৰাম।
অজয়ে চিআইডিৰ ২৫টা খণ্ডত কাম কৰাৰ সুবিধা পাইছিল।
লগতে ‘আগলে জনম মহে বিটিয়া হি কিজো’ত কেমিঅ’ ৰ’লত দেখা গৈছিল৷ ‘সাৱধান ইণ্ডিয়া’, ‘ক্ৰাইম পেট্ৰ’ল’, ‘জ্যোতি’ আদিৰ দৰে বহু ধাৰাবাহিকত অভিনয় কৰিছে অজয়ে।