ৰাষ্ট্ৰীয় সংবাদ মাধ্যমত প্ৰকাশিত শেহতীয়া বাতৰি অনুসৰি অষ্ট্ৰেলিয়াৰ বিৰুদ্ধে ভাৰতে খেলিবলগীয়া টি-২০ শৃংখলাত স্থান লাভৰ সম্ভাৱনা অসমৰ যুৱ ক্রিকেটাৰ ৰিয়ান পৰাগৰ ।
চৈয়দ মুস্তাক ট্ৰফীত ৰিয়ান পৰাগে ঘৰুৱা দল অসমক ছেমি ফাইনেললৈ লৈ যোৱাত গুৰুত্বপূৰ্ণ ভূমিকা পালন কৰিছিল ।অসমৰ হৈ খেলা ১০ খন মেছত ৰিয়ান পৰাগে গড়ে ৮৫ ৰান সংগ্ৰহ কৰিছে । ১০ খন মেচত ১১ টা উইকেট দখল কৰি চৈয়দ মুস্তাক ট্ৰফীত অসমক ছেমি ফাইনেল পৰ্যায়লৈ যোগ্যতা অৰ্জন কৰাত গুৰুত্বপূৰ্ণ ভূমিকা লৈছিল ৰিয়ান পৰাগে ।
২০২৩ বৰ্ষৰ বিশ্বকাপ শেষ হোৱাৰ পাছত ২৩ নবেম্বৰৰ পৰা অষ্ট্ৰেলিয়াত আৰম্ভ হ’ব ৫ খন খেলৰ টি টুৱেণ্টি ছিৰিজ । টিম ইণ্ডিয়াৰ মুখ্য নিৰ্বাচক অজিত অগৰকাৰে অলৰাউণ্ডাৰ হিচাপে ৰিয়ান পৰাগক অন্তৰ্ভুক্ত কৰাৰ সম্ভাৱনা যথেষ্ট বেছি বুলি চৰ্ছা হৈছে ৰাষ্ট্ৰীয় সংবাদ মাধ্যমত । টিম ইণ্ডিয়াৰ পৰা প্রথমবাৰৰ বাবে কল পাব পাৰে ৰিয়ান পৰাগে ।