লোকসভাৰ অধ্যক্ষ ওম বিৰলাই বৃহস্পতিবাৰে কংগ্ৰেছৰ সাংসদ ডি কে সুৰেশ, দীপক বৈজ আৰু নকুল নাথক সদনত প্ৰতিবাদ কৰাৰ বিৰুদ্ধে সতৰ্ক কৰি দিয়ে।
আজি ৰাতিপুৱা সদনৰ মিলনহোৱাৰ লগে লগে বিৰোধী সাংসদসকলে সদনৰ পৰা সাংসদসকলক নিলম্বন কৰাৰ বিৰুদ্ধে তেওঁলোকৰ প্ৰতিবাদ অব্যাহত ৰাখে, আৰু সংসদৰ নিৰাপত্তা উলংঘনৰ বিষয়ত আলোচনা আৰু গৃহমন্ত্ৰী অমিত শ্বাহৰ এক বিবৃতি দাবী কৰে। প্ৰশ্নকাল গ্ৰহণ কৰাৰ লগে লগে বিৰোধী সাংসদসকলে শ্ল’গান দিয়া শুনা গৈছিল।
প্ৰশ্নকাল সমাপ্ত হোৱাৰ লগে লগে অধ্যক্ষই প্ৰতিবাদকাৰী সদস্যসকলক সতৰ্ক কৰি দিয়ে আৰু কংগ্ৰেছৰ তিনিজন সাংসদৰ নাম উল্লেখ কৰে।
অধ্যক্ষ জনেক কয় “মই কোনো কাৰণ নোহোৱাকৈ কোনো সাংসদক নিলম্বন কৰা নাই। আপুনি সদনত কাগজ বোৰ ফালি পেলাইছে আৰু দলিয়াই আছে। সাংসদসকলে মোৰ ওচৰলৈ আহি আছে আৰু মোক তেওঁলোকক নিলম্বন কৰিবলৈ কৈছে,” অধ্যক্ষজনে কয়। “মই কাকো নিলম্বন কৰিব নিবিচাৰো কিন্তু আপুনি সদনত প্লেকাৰ্ড আনিছে… এইটো ঠিক নহয়,”।
লোকসভাত আৰু দুজন বিৰোধী সদস্যক বুধবাৰে প্লেকাৰ্ড প্ৰদৰ্শন কৰাৰ বাবে নিলম্বিত কৰা হৈছিল। এই নতুন নিলম্বনৰ সৈতে, 14 ডিচেম্বৰৰ পৰা লোকসভাৰ লগতে ৰাজ্যসভাৰ পৰা নিলম্বিত হোৱা মুঠ সদস্যৰ সংখ্যা 143 লৈ বৃদ্ধি হৈছে।