ক্ৰীড়া জগতত এসময়ত এক জনপ্ৰিয় যুটী হৈ আছিল ছানিয়া-ছোৱেইবৰ যুটী। দুয়োৰে প্ৰেমৰ খবৰে প্ৰায়েই দখল কৰিছিল সংবাদ শিৰোনাম। পিছে হঠাতে সেয়া হৈ পৰিল অতীত।
এসময়ত প্ৰেমৰ বাবে চৰ্চিত ছানিয়া-ছোৱেইবৰ যুটী শেহতীয়াকৈ হৈ পৰিল বিচ্ছেদৰ খবৰৰ বাবেহে চৰ্চাৰ বিষয়। শেহতীয়াকৈ প্ৰায়ে সংবাদ মাধ্যম তথা সামাজিক মাধ্যমত ঠাই পাইছিল দুয়োৰে মাজৰ বিচ্ছেদৰ খবৰে।
ছানিয়া মিৰ্জাৰ সৈতে বিবাহ বিচ্ছেদৰ খবৰৰ মাজতে পাকিস্তানী অভিনেত্ৰী ছানা জাভেদক বিয়া পাতিলে ছোৱেব মালিকে।
টেনিছ তাৰকা ছানিয়া মিৰ্জাৰ স্বামী আৰু পাকিস্তানী ক্ৰিকেটাৰ ছোৱেব মালিকে বিবাহ পাশত আৱদ্ধ হৈছে। ছোৱেব মালিকে পাকিস্তানী অভিনেত্ৰী ছানা জাভেদৰ সৈতে বিবাহৰ এখন ফটো ছচিয়েল মিডিয়া প্লেটফৰ্ম ‘এক্স’ত পোষ্ট কৰি ভগৱানক ধন্যবাদ জনাইছিল।
ছানা জাভেদ এগৰাকী পাকিস্তানী অভিনেত্ৰী, তেওঁ 2012 চনত পাকিস্তানী ধাৰাবাহিকৰ সৈতে কেৰিয়াৰ আৰম্ভ কৰিছিল। তাৰ পিছত, তেওঁ ৰোমান্টিক কাহিনীত অভিনয় কৰাৰ পিছত স্বীকৃতি লাভ কৰে। এয়াও ছানা জাভেদৰ দ্বিতীয় বিবাহ, তাৰ আগতে তেওঁ 2020 চনত বিবাহ পাশত আৱদ্ধ হৈছিল আৰু 2023 চনত তেওঁলোকৰ বিবাহ বিচ্ছেদ হৈছিল।
বুধবাৰে, ছানিয়া মিৰ্জাই ছ’চিয়েল মিডিয়াত এটা পোষ্ট কৰে। “বিবাহ কঠিন, বিবাহ বিচ্ছেদ তাতকৈ কঠিন, ঋণত পৰিবলৈ কঠিন, আৰ্থিকভাৱে শৃংখলাবদ্ধ হৈ থকাটো আৰু কঠিন। ইয়াৰ পিছত, তেওঁলোকৰ বিবাহ বিচ্ছেদৰ অনুমান তীব্ৰতৰ হয়।
ছোৱেব মালিকে এজন পাকিস্তানী ক্ৰিকেটাৰ আৰু ছানিয়া মিৰ্জা এগৰাকী ভাৰতীয় টেনিছ খেলুৱৈ। দুয়ো প্ৰথমবাৰৰ বাবে অষ্ট্ৰেলিয়াৰ এখন ৰেষ্টুৰেণ্টত লগ হৈছিল। তাৰ পিছত, তেওঁলোকৰ প্ৰেম বাঢ়িবলৈ ধৰিলে। তেওঁলোক দুয়োজনে দীৰ্ঘদিন ধৰি প্ৰেমত থকাৰ পিছত ২০১০ চনত বিবাহ পাশত আৱদ্ধ হৈছিল। দুয়োৰে এটা পুত্ৰ সন্তান আছে।