সন্ত্রাসবাদীৰ আক্রমণত শ্বহীদ দুই জোৱান
শ্রীনগৰৰ সদাব্যস্ত বজাৰত বৃহস্পতিবাৰে সন্ত্রাসবাদীয়ে চলোৱা আক্রমণত দুজন নিৰাপত্তা বাহিনীৰ জোৱান শ্বহীদ হয়৷ কাশ্মীৰৰ আইজিপি বিজয় কুমাৰে প্রকাশ কৰা মতে, খুচীপৰা এইচএমটি আবনশ্বাহ চ’কত পহৰা দি থকা ভাৰতীয় সেনাৰ কুইক ৰিয়েকচন টীমৰ ওপৰত আক্রমণ কৰে মাৰুতি সন্ত্রাসবাদী দল এটাই ।
সন্ত্রাসবাদীয়ে ভাৰতীয় সেনাৰ দলটোলৈ লক্ষ্য কৰি গুলীবৰ্ষণ কৰাত কেইবাজনো জোৱান আহত হয়৷ আহত জোৱানসকলক চিকিৎসালয়ত ভর্তি কৰোৱা হয় যদিও দুগৰাকী জোৱানে প্রাণ হেৰুৱাই ৷
সমগ্র অঞ্চলটো ঘেৰাও কৰি সন্ত্রাসবাদীকেইটাক কৰায়ত্ত কৰাৰ বাবে নিৰাপত্তা বাহিনীয়ে অভিযান অব্যাহত ৰাখিছে ।
