সুপ্ৰসন্ন লক্ষ্মীদেৱী;দেশৰ ভিতৰতে ধনী চেলিব্ৰিটী দম্পত্তি হৈছে বিৰুষ্কা
বিৰাট কোহলী,বৰ্তমান বিশ্বৰ ক্ৰিকেট জগতৰ অন্যতম শিখৰত থকা ব্যক্তি হৈছে বিৰাট কোহলী। আনহাতে কোহলী পত্নী অনুষ্কা শৰ্মা হৈছে বলিউডৰ অন্যতম সফল জনপ্ৰিয় অভিনেত্ৰী।
দুয়োজনেই বৰ্তমান জনপ্ৰিয়তাৰ শিখৰত। চাৰিবছৰৰ প্ৰেমৰ অন্তত ২০১৭চনত বিবাহপাশত আৱদ্ধ হৈছিল দুয়ো।
অতি শীঘ্ৰেই দুয়োৰে সংসাৰলৈ আহিব কণমানি সদস্য।প্ৰথম সন্তানটোৰ পিতৃ-মাতৃ হ’ব বিৰুষ্কা। এনে সময়তে পুনৰ চৰ্চালৈ আহিছে বিৰাট-অনুষ্কা। কিয়নো দুয়োৰে সম্পত্তিৰ হিচাপ জানিলে চকু কপালত উঠিব আপোনাৰ। দুয়োৰ সন্মিলিত সম্পত্তিৰ পৰিমাণ প্ৰায় ১২০০ কোটি টকা।
এটা শ্বেম্পুৰ বিজ্ঞাপনত প্ৰথম সাক্ষাৎ হয় দুয়োৰে। তাৰ পিছতে বন্ধুত্ব আৰু প্ৰেম। ইয়াৰ লগতে অনুষ্কাক বিভিন্ন সময়ত ককৰ্থনাও কৰা হৈছে বিৰাটৰ বেয়া প্ৰদৰ্শনৰ সময়ত। কিন্তু এইবোৰ গুৰুত্ব নিদিয়াকৈ দুয়ো নিজৰ সংসাৰ আগুৱাই লৈ গ’ল।
