২০২১ৰ জানুৱাৰীৰ পৰা ভাৰতত আৰম্ভ হ’ব ক’ভিড–১৯ৰ টিকাকৰণ

ব্রিটেইন আৰু আমেৰিকাত ফাইজাৰ তথা বায়’এনটেক কোম্পানীয়ে প্রস্তুত কৰা ক’ভিড ভেকচিন প্রদান প্রক্রিয়া আৰম্ভ হোৱাৰ পাছতে বিশ্বৰ বিভিন্ন দেশত মহামাৰী প্রতিৰোধৰ বাবে টিকাকৰণ প্রক্রিয়া ক্ষিপ্রতৰ কৰাৰ তৎপৰতা চলিছে ৷

২০২১ৰ জানুৱাৰীৰ পৰা ভাৰতত কোভিড১৯ ভেকচিন প্রদানক লৈ চলি আছে চিন্তা–চর্চা৷ কেন্দ্রীয় স্বাস্থ্যমন্ত্রী ডাঃ হর্ষবর্ধনে ঘোষণা কৰিছে যে আগন্তুক বর্ষৰ জানুৱাৰী মাহৰ যিকোনো এটা সপ্তাহতে দেশৰ ক’ৰোনা মহামাৰীৰ টিকাকৰণ আৰম্ভ হোৱাৰ সম্ভাৱনা আছে ৷

চৰকাৰে প্রথম ক’ভিড ভেকচিন কিমান দূৰ কার্যকাৰী আৰু নিৰাপদ হ’ব, সেই বিষয়টোত প্রাধান্য দিব বুলি ঘোষণা কৰিছে মন্ত্রীগৰাকীয়ে৷ ভাৰতৰ বিজ্ঞানী তথা চিকিৎসা বিশেষজ্ঞসকল বিৰামহীনভাৱে ভেকচিন প্রস্তুতৰ কামত লাগি আছে৷ গতিকে এইক্ষেত্রত ভাৰতে প্রত্যাশিতভাৱে সুফল পাব বুলিও মন্তব্য কৰিছে কেন্দ্ৰীয় স্বাস্থ্যমন্ত্ৰীগৰাকীয়ে ৷

আগন্তুক ৬–৭ মাহৰ ভিতৰত ভাৰতে ৩০ কোটি লোকক ক’ভিড–১৯ৰ ভেকচিন প্রদান কৰিবলৈ সক্ষম হ’ব বুলিও মন্ত্রী গৰাকীয়ে ঘোষণা কৰিছে ৷

ভাৰতত ছটাকৈ ক’ভিড ভেকচিনৰ পৰীক্ষা বিভিন্ন পর্যায়ত চলি আছে৷ ক্লিনিকেল পৰীক্ষা চলি থকা এই ভেকচিনকেইটা হৈছে ক’ভিশ্বিল্ড, ক’ভাক্সিন, জাইক’ভ–ডি, স্পুটনিক–ভি, এন ভি এক্স, চি অ’ ভি–২৩৭৩ আৰু প্র’টিন এণ্টিজেননির্ভৰ ভেকচিন ৷