গুজৰাটত শোকাৱহ পথ দুর্ঘটনাত নিহত পোন্ধৰ শ্রমিক

গুজৰাটৰ ছুৰাটৰ পদপথত শুই থকা শ্রমিকক ট্রাকে মহটিয়াই নিয়া ঘটনাক লৈ তীব্র চাঞ্চল্যৰ সৃষ্টি হৈছে৷

কালি নিচেই পুৱা সংঘটিত হৈছে এই শোকাৱহ ঘটনা ৷
দুর্ঘটনাটোত প্রাণ হেৰুৱাইছে ১৫জন শ্রমিকে গুৰুতৰভাৱে আহত হৈছে আন ৬জন৷
ৰাজস্থানৰ বানছৱাৰা জিলাৰ পৰা অহা লোকসকলৰ ছুৰাটৰ কোছাম্বাত সংঘটিত হৈছে এই শোকাৱহ দুর্ঘটনা৷

আৰক্ষীয়ে সদৰী কৰা অনুসৰি পুৱা দ্রুতবেগী ট্রাক এখনে আহি বিপৰীত দিশৰ পৰা কুঁহিয়াৰ কঢ়িয়াই অনা ট্রেক্টৰ এখনত খুন্দা মাৰে৷

ইয়াৰ পাছতে নিয়ন্ত্রণহীন ট্রাকখনৰ চকা পদপথত উঠি যায়৷ তেতিয়াই পদপথত শুই থকা শ্রমিককেইজনৰ মৃত্যু হয়৷

দুর্ঘটনাৰ পাছতে গভীৰ শোক প্রকাশ কৰিছে বৰ্তমানৰ প্রধানমন্ত্রী নৰেন্দ্র মোদীয়ে৷
প্রধানমন্ত্রীগৰাকীয়ে নিহত শ্রমিকসকলৰ প্রতিজনৰ পৰিয়াললৈ এককালীন সাহায্য হিচাপে ২ লাখ টকাকৈ ঘোষণা কৰিছে৷