ৰাহুল গান্ধীয়ে ক্ষমা কৰি দিলে পিতৃ হত্যাকাৰীক
কংগ্ৰেছৰ যুৱৰাজ ৰাহুল গান্ধীৰ পিতৃ তথা ভাৰতৰ প্ৰাক্তন প্ৰধানমন্ত্ৰী ৰাজীৱ গান্ধীৰ হত্যাকাৰীক ক্ষমা কৰি দিছে ৰাহুল গান্ধীয়ে ৷ তেঁওৰ এতিয়া কোনো ক্ষোভ নাই পিতৃৰ হত্যাকাৰীৰ প্ৰতি ৷ বুধবাৰে পুড্ডুচেৰীৰ এক অনুষ্ঠানত অংশগ্ৰহণ কৰি ৰাহুল গান্ধীয়ে এই মন্তব্য কৰে ৷
তেঁও কৈছিল যে , ” পিতৃৰ হত্যাই মোক যথেষ্ট আঘাত দিছিল , সেইয়া কঠিন সময় আছিল আৰু এনে লাগিছিল যে মোৰ কলিজা কোনোবাই কাটি লৈ গৈছে। আৰু এতিয়া মই ক্ষোভিত হৈ থকা নাই আৰু কাকো ঘৃণাৰ দৃষ্টিৰে নাচাঁও। “
ৰাজীৱ গান্ধী হত্যাৰ গোচৰত ৭জনক যাৱত জীৱন কাৰাদণ্ড বিহা হৈছিল।
সাংবাদিকৰ প্ৰশ্নৰ উত্তৰত ৰাহুল গান্ধীয়ে এনেদৰে কয়- “হিংসা কাৰো পৰা একো কাঢ়ি নিব নোৱাৰে ;হিংসাত্মক কাৰ্যৰ সেই শক্তি নাই ;আজি মই যি কৰি আছোঁ ;তাৰ সিংহভাগ মই দেউতাৰ পৰা শিকিছোঁ।
মোৰ পিতৃ আজিও মোৰ পিতৃ আজিও মোৰ যোগেদি বিৰাজমান ।ৰাজীৱ গান্ধীৰ মাতৃ ইন্দিৰা গান্ধীক ১৯৮৪চনত নিজৰ দেহৰক্ষীয়ে গুলীয়াই হত্যা কৰিছিল।
