সফলতাৰ বাটত প্ৰতিবন্ধকতা বাধা নহয়,দৃষ্টিহীন পৰ্বতাৰোহীয়ে জয় কৰিলে এভাৰেষ্ট

চীনৰ পৰ্বতাৰোহী ঝং হাঙে পৃথিৱীৰ সৰ্বোচ্চ পৰ্বত শৃংগ মাউন্ট এভাৰেষ্ট জয় কৰে। তেওঁ এইক্ষেত্ৰত এছিয়াৰ প্ৰথম আৰু বিশ্বৰ ভিতৰত তৃতীয়গৰাকী অন্ধ পৰ্বতাৰোহী হিচাপে অভিলেখ গঢ়িলে।

দৃষ্টিহীন ৪৬বছৰীয়া পৰ্বতাৰোহীগৰাকীয়ে নেপালৰ দিশেৰে এভাৰেষ্ট আৰোহন কৰিছিল। যোৱা ২৪ মে’ত তিনিজন গাইডক লৈ এভাৰেষ্টৰ ৮হাজাৰ ৮৪৯ মিটাৰ উচ্চতাত আৰোহন কৰে ঝঙে। সেইদৰে, ২৭মে’ত তেওঁ বেছকেম্পলৈ উভতি আহে।

এভাৰেষ্ট জয় কৰি ঝঙে কয় যে আপোনাৰ যদি দৃঢ় মনোবল থাকে তেতিয়াহ’লে আপুনি সকলো সময়তে সেই কাম কৰিব পাৰিব। আপুনি প্ৰতিবন্ধী নে স্বাভাৱিক, দৃষ্টিশক্তিহীন বা হাত কিম্বা ভৰি নাই সেইবিলাক কোনো কথাই নহয়। অইনে ভাৱিব পাৰে যে আপুনি সেই কামটো কৰিব নোৱাৰে।