মুকলি আকাশৰ তললৈ অখিল গগৈ: চানমাৰি থানাৰ গোচৰত দোষমুক্ত গগৈ

অখিল গগৈক চানমাৰি থানাৰ গোচৰতো দোষমুক্ত ঘোষণা NIA আদালতৰ৷ এই মুহূৰ্তত অখিল গগৈ সকলো গোচৰৰ পৰা মুক্ত। নতুন গোচৰত গ্ৰেপ্তাৰ নহ’লে আজিয়েই কাৰাগাৰৰ পৰা ওলাব অখিল গগৈ।

জিএমচিএইচৰ পৰাই মুক্ত হ’ব অখিল গগৈ। কাৰাগাৰ কৰ্তৃপক্ষই মুক্তিৰ নিৰ্দেশ দিলেই মুকলি হ’ব শিৱসাগৰৰ বিধায়কগৰাকী। আজি পুৱাই অখিল গগৈক হাজিৰ কৰোৱা হৈছিল এন আই এৰ আদালতত।

উল্লেখযোগ্য যে ইয়াৰ পূৰ্বে চাবুৱা থানাৰ গোচৰত অভিযোগমুক্ত হৈছিল অখিল গগৈ। NIA আদালতে অভিযোগ মুক্ত কৰিছিল অখিল গগৈসহ আন দুজনক।