আজি ঘোষণা হ’ব ৫ ৰাজ্যৰ বিধানসভা নিৰ্বাচনৰ দিন।
আজি ঘোষণা হ’ব ৫ ৰাজ্যৰ বিধানসভা নিৰ্বাচনৰ দিন। দিনৰ ১২ বজাত ঘোষণা কৰিব নিৰ্বাচন আয়োগে। ৰাজস্থান, ছত্তীশগড়, মধ্যপ্ৰদেশত, তেলেংগনা আৰু মিজোৰামত আগন্তুক বিধানসভা নিৰ্বাচন অনুষ্ঠিত কৰা হ’ব। নিৰ্বাচন আয়োগে ভোটদানৰ তাৰিখ, পৰ্যায়ৰ সংখ্যা আৰু মনোনয়ন দাখিল আৰু প্ৰত্যাহাৰৰ তাৰিখ ঘোষণা কৰাৰ বাবে আজি দুপৰীয়া ১২ বজাত এখন সংবাদমেলৰ আয়োজন কৰিছে।
মিজোৰামৰ বিধানসভাৰ কাৰ্যকাল এই বছৰৰ ১৭ ডিচেম্বৰত শেষ হ’ব। তেলেংগানা, ৰাজস্থান, ছত্তীশগড় আৰু ৰাজস্থান বিধানসভাৰ কাৰ্যকাল অহা বছৰৰ জানুৱাৰীত পৃথক দিনত শেষ হ’ব। ECIএ সাধাৰণতে বিধানসভাৰ কাৰ্যকাল শেষ হোৱাৰ ছয়ৰ পৰা আঠ সপ্তাহ আগতে নিৰ্বাচনৰ সময়সূচী ঘোষণা কৰে।
আগন্তুক বিধানসভা নিৰ্বাচন শাসকীয় ভাৰতীয় জনতা পাৰ্টি (বিজেপি), মুখ্য বিৰোধী দল কংগ্ৰেছ আৰু আঞ্চলিক দলকে ধৰি সকলো মুখ্য ৰাজনৈতিক দলৰ বাবে গুৰুত্বপূৰ্ণ হ’ব কিয়নো অহা বৰ্ষত লোকসভা নিৰ্বাচন অনুষ্ঠিত হ’ব।
