boycott maldivesৰ পাছত মালদ্বীপত হাহাকাৰ,পৰ্যটক বিচাৰি চীনৰ শৰণাপন্ন মালদ্বীপৰ ৰাষ্ট্ৰপতি মহম্মদ মুইজজুৱে
সামাজিক মাধ্যমত প্ৰধানমন্ত্ৰী নৰেন্দ্ৰ মোদীক সমালোচনা কৰি নিজৰ বিপদ নিজেই চপাই লৈছে মালদ্বীপে।boycott maldivesৰ পাছত এতিয়া লাগিছে মালদ্বীপত হাহাকাৰ।পৰ্যটক বিচাৰি চীনৰ শৰণাপন্ন মালদ্বীপৰ ৰাষ্ট্ৰপতি মহম্মদ মুইজজুৱে।
মালদ্বীপৰ ৰাষ্ট্ৰপতি মহম্মদ মুইজজুৱে মঙলবাৰে চীনক তেওঁৰ দেশলৈ অধিক পৰ্যটক প্ৰেৰণৰ প্ৰচেষ্টা “তীব্ৰ” কৰিবলৈ আহ্বান জনাইছে, প্ৰধানমন্ত্ৰী নৰেন্দ্ৰ মোদীৰ বিৰুদ্ধে তেওঁৰ মন্ত্ৰীসকলৰ অপমানজনক মন্তব্যক লৈ কূটনৈতিক বিৰোধিতা আৰম্ভ হোৱাৰ পিছত ভাৰতীয় পৰ্যটকৰ দ্বাৰা সংৰক্ষণ বাতিল কৰাৰ মাজতে তেওঁ এই মন্তব্য কৰে।
পাঁচদিনীয়া চীন ভ্ৰমণৰ দ্বিতীয় দিনা মুইজজুৱে মঙলবাৰে ফুজিয়ান প্ৰদেশৰ মালদ্বীপ ব্যৱসায় মঞ্চত দিয়া ভাষণত চীনক দ্বীপৰাষ্ট্ৰখনৰ “নিকটতম” মিত্ৰ বুলি অভিহিত কৰে। তেওঁ কয়, “চীন আমাৰ নিকটতম মিত্ৰ শক্তি আৰু উন্নয়নৰ অংশীদাৰসকলৰ মাজৰ এজন হৈ আছে।”
তেওঁ ২০১৪ চনত চীনৰ ৰাষ্ট্ৰপতি জি জিনপিঙে আৰম্ভ কৰা বেল্ট এণ্ড ৰোড ইনিশিয়েটিভ (বিআৰআই) প্ৰকল্পৰ প্ৰশংসা কৰি কয় যে তেওঁলোকে “মালদ্বীপৰ ইতিহাসত প্ৰত্যক্ষ কৰা আটাইতকৈ গুৰুত্বপূৰ্ণ আন্তঃগাঁথনি প্ৰকল্পসমূহ প্ৰদান কৰিছে”, তেওঁ চীনক মালদ্বীপলৈ ইয়াৰ পৰ্যটকৰ প্ৰবাহ শক্তিশালী কৰিবলৈ আহ্বান জনায়।
উল্লেখ্য যে প্ৰধানমন্ত্ৰী নৰেন্দ্ৰ মোদীৰ বিৰুদ্ধে মালদ্বীপৰ মন্ত্ৰীসকলে কৰা অপমানজনক মন্তব্যৰ পিছত ২ ৫০০ বিমানৰ ticket কেঞ্চেল কৰিছে আৰু ৮০০০ লোকে হোটেল বুকিং কেঞ্চেল কৰিছে বুলি জানিব পৰা গৈছে।
