পত্নীয়ে তৃণমূল কংগ্রেছত যোগদান কৰাৰ বাবেই বিবাহ বিচ্ছেদৰ হুংকাৰ স্বামীৰ

পশ্চিমবংগত তৃণমূল কংগ্রেছৰ বহু নেতাই বিজেপিত যোগদান কৰাৰ সময়তে ৰাজ্যখনৰ ভাৰতীয় জনতা যুৱ মর্চা (বিজেৱাইএম)ৰ সভাপতি সৌমিত্র খানৰ পত্নী সুজাতা মণ্ডল খানে যোগদান কৰিছে তৃণমূল কংগ্রেছত৷ৰাজ্যখনত মূল বিৰোধী

দল হিচাপে থকা বিজেপিয়ে অন্য দলৰ দুর্নীতিগ্রস্ত আৰু ক্ষমতালোভী নেতাসকলক বিভিন্ন পদত বহুওৱা বুলি অভিযোগ কৰিছে সুজাতা মণ্ডল খানে৷ মহিলাগৰাকীয়ে উল্লেখ কৰিছে যে বিজেপিৰ সংকটৰ সময়ত তেওঁ দলৰ বাবে যথেষ্ট কাম কৰিছিল যদিও এতিয়া দলটোৰ প্রতি কোনোধৰণৰ সন্মান নাই৷

আনহাতে, সুজাতাৰ এই সিদ্ধান্তৰ পিছতে ৩৯ বছৰীয়া স্বামী সৌমিত্র খানে এক সংবাদ মেলৰ আয়োজন কৰি ঘোষণা কৰিছে যে ২৪ ঘণ্টাৰ ভিতৰতে তেওঁ পত্নীলৈকে বিবাহ বিচ্ছেদৰ জাননী প্রেৰণ কৰিব৷

প্রাক্তন টি এম চি নেতা সৌমিত্র খানে ২০১৯ চনত বিজেপিত যোগদান কৰিছিল৷ লোকসভা নির্বাচনত বিষ্ণুপুৰ সমষ্টিৰ পৰা টি এম চি সাংসদ হিচাপে বিজয়ী হোৱা সৌমিত্র খানে পৰৱর্তী সময়ত বিজেপিৰ পৰা একেটা সমষ্টিত প্রতিদ্বন্দ্বিতা কৰে৷