নাৰীৰ সৈতে ৰাহুল গান্ধীৰ ফটো আপলোড চ’ছিয়েল মিডিয়াত । শিৱসাগৰত এজাহাৰ দাখিল জিলা কংগ্ৰেছৰ

সামাজিক মাধ্যম ফেইচবুকত কংগ্ৰেছৰ যুৱনেতা ৰাহুল গান্ধীৰ সৈতে এগৰাকী নাৰীৰ অশালীন ফটো আপলোড কৰা সঞ্জীৱ কৰ্মকাৰ নামৰ এজন যুৱকৰ বিৰুদ্ধে শিৱসাগৰ সদৰ আৰক্ষী থানাত এজাহাৰ দাখিল কৰে শিৱসাগৰ জিলা কংগ্ৰেছে।

শিৱসাগৰ জিলা কংগ্ৰেছৰ সাধাৰণ সম্পাদক বিজিত দত্তই দাখিল কৰা এজাহাৰত উল্লেখ কৰে যে কংগ্ৰেছৰ নেতা ৰাহুল গান্ধীৰ মহিলাৰ সৈতে অশ্লীন ফটো আপলোড কৰা কাৰ্যই নেতা গৰাকীৰ মান মৰ্যাদা লাঘৱ কৰাৰ লগতে কংগ্ৰেছ দলৰ ক্ষতি কৰিছে।

ভাৰতবৰ্ষৰ নাৰী জাতিক অপমান কৰা এই সঞ্জীৱ কৰ্মকাৰৰ বিৰুদ্ধে অতিসীশ্ৰে আইনী ব্যৱস্থা ল’বলৈ দাবী জনায় শিৱসাগৰ আৰক্ষীক।

উল্লেখ্য যে অহা ১৪ ফেব্ৰুৱাৰীত ৰাহুল গান্ধীয়ে শিৱসাগৰ ভ্ৰমণলৈ আহিব আৰু সেইদিনা ভেলেন্টাইন ডে’ হোৱাৰ বাবে সঞ্জীৱ কৰ্মকাৰ নামৰ যুৱকজনে নিজৰ ফেইচবুক একাউন্টত ৰাহুল গান্ধীৰ সৈতে এগৰাকী মহিলাৰ অশালীন ফটো আপল’ড কৰি অশ্লীল মন্তব্য প্ৰকাশ কৰিছিল।