ক’ভিডৰ ত্ৰাসত বলীউড !
পুনৰ কৰোণাৰ দ্বিতীয়টো ঢৌৱে ছানি ধৰিছে সমগ্ৰ দেশ।সাধাৰণ জনতাৰ লগতে সাৰি যোৱা নাই বহু তাৰকাও।
শেহতীয়াকৈ দেখা পোৱা গৈছে ক্ৰিকেটৰ বহু কেইগৰাকী তাৰকা কৰোণাৰ ত্ৰাসত পৰাৰ লগতে বলীউডৰ বহু জনপ্ৰিয় তাৰকাও আক্ৰান্ত হৈছে covid-19ত।
ক্ৰিকেটৰ ভগৱান শচীন তেণ্ডুলকাৰ,ইৰফান পাঠান,দেৱদূত পাড়িক্কালৰ লগতে বলীউডৰ জনপ্ৰিয় অভিনেতা অক্ষয় কুমাৰৰ পিছত এইবাৰ কৰোণাৰ ত্ৰাসত বলীউডৰ মোহময়ী অভিনেত্ৰী ভূমি পেডনেকাৰ।
তেওঁৰ ইনষ্টাগ্ৰামত এই কথা ঘোষণা কৰে অভিনেত্ৰী গৰাকীয়ে।অভিনেত্ৰী গৰাকীয়ে তেওঁৰ শৰীৰত মৃদু লক্ষণ দেখা দিয়াত covid-19ৰ ইতিবাচক পৰীক্ষা কৰাই।
ভূমিয়ে আহ্বান জনায় যে এই ভাইৰাছটো সকলোৱে গুৰুত্ব সহকাৰে লয় কিয়নো তাই অত্যাধিক সাৱধানতা আৰু যত্ন লোৱা স্বত্তেও ফলাফল ইতিবাচক হয়।
নিজৰ ইনষ্টাগ্ৰামত কয় যে “মই কোভিড -১৯ৰ বাবে ইতিবাচক পৰীক্ষা কৰিছো।“
আজিৰ তাৰিখত মোৰ শৰীৰত মৃদু লক্ষণে দেখা দিছে আৰু নিজকে বিছিন্ন কৰি ৰাখিছো।
মই মোৰ চিকিৎসক আৰু স্বাস্থ্য পেছাদাৰী সকলে দিয়া প্ৰটোকল অনুসৰণ কৰি আছো”।
শেহতীয়াকৈ অক্ষয় কুমাৰ,আমিৰ খান,গোবিন্দা,আলিয়া ভট্ট,কাৰ্তিক আৰিয়ান,বিকি কৌশল ৰ লগতে বহু কেইগৰাকী তাৰকা আক্ৰান্ত হৈছে এই মহামাৰীত।
