হোমেন বৰগোহাঞিৰ নামেৰে নামকৰণ হ’ব চন্দ্ৰপুৰ–মৰিগাঁও পথ

অসমৰ সমাজ জীৱনৰ  দিকদৰ্শক, সাহিত্য জগতৰ মহীৰূহ, সাংবাদিকতাৰ ক্ষেত্ৰখনৰ অন্যতম পুৰোধা ব্যক্তি হোমেন বৰগোহাঞি।১২ মে’ৰ পুৱা ৬.৫৮ মান বজাত GNRCত শেষ নিশ্বাস ত্যাগ কৰিছিল ।

ইয়াৰে পাছৰে পৰা বিভিন্ন মহলত এক চৰ্চা চলিছিল যে তেওঁৰ স্মৃতিত চৰকাৰে ভাল এটা পদক্ষেপ ল’ব লাগে । মুখ্যমন্ত্ৰী ড০ হিমন্ত বিশ্ব শৰ্মাই এক সংবাদমেলত ঘোষণা কৰে-

নতুন চৰকাৰে দায়িত্ব লোৱাৰ পিছতে অসমৰ জাতীয় জীৱনৰ মনীষী হোমেন বৰগোহাঞিক আমি হেৰুৱালোঁ৷ তেওঁৰ নামত তাৎক্ষণিকভাৱে ৫০ কিলোমিটাৰ দৈৰ্ঘৰ চন্দ্ৰপুৰৰ পৰা মৰিগাঁও সংযোগী পথটো হোমেন বৰগোহাঞিৰ নামত নামকৰণ কৰিব লৈছোঁ৷ তেওঁৰ নামত আমি আৰু বহু কাম কৰিম ৷

উল্লেখযোগ্য যে ইয়াৰ লগতে আন ৰাজ্যৰ কোভিড পৰিস্থিতি, টিকাকৰণ অভিযানৰ লগতে আন বহু বিষয়ৰ ওপৰত মন্তব্য কৰে মুখ্যমন্ত্ৰীগৰাকীয়ে।