নূপুৰ শৰ্মা বিতৰ্ক সন্দৰ্ভত সৰৱ ইমৰান খান

কুৱেইটৰ পিছত, এইবাৰ পাকিস্তান। ইমৰান খানে নূপুৰ শৰ্মা হজৰত মহম্মদৰ ওপৰত কৰা বিতৰ্ক মন্তব্য কৰা পাছতে ভাৰতীয় সামগ্ৰী বৰ্জনৰ আহ্বান জনাইছে। একে সময়তে, তেওঁ পাকিস্তান চৰকাৰক নতুন দিল্লীৰ সৈতে সকলো সম্পৰ্ক ছিন্ন কৰিবলৈ পৰামৰ্শ দিয়ে। পাকিস্তানৰ প্ৰাক্তন প্ৰধানমন্ত্ৰী ইমৰান খানে বিজেপিৰ মুখপাত্ৰ নূপুৰ শৰ্মাৰ পয়গম্বৰ সন্দৰ্ভত কৰা বিতৰ্কিত মন্তব্যক এক সঁজুলি হিচাপে ব্যৱহাৰ কৰিছে। 

ইছলামাবাদত এক অধিবক্তা সন্মিলনত ভাষণ দি তেওঁ পয়গম্বৰ বিতৰ্কৰ বাবে নতুন দিল্লীৰ সৈতে সম্পৰ্ক ছিন্ন কৰাৰ প্ৰয়োজনীয়তাৰ ওপৰত গুৰুত্ব আৰোপ কৰে। তেওঁ পাকিস্তানৰ জনসাধাৰণক ভাৰতীয় সামগ্ৰী বৰ্জন কৰিবলৈও আহ্বান জনায়। তেহৰিক-ই-ইনচাফ দলৰ মুৰব্বীয়ে পাকিস্তানৰ শ্বাহবাজ শ্বৰীফ চৰকাৰক সমালোচনা কৰাৰ লগতে তেওঁ শ্বাহবাজৰ চৰকাৰক আমদানি কৃত চৰকাৰ বুলি অভিহিত কৰে ।

“মোদী চৰকাৰে ইচ্ছাকৃতভাৱে ভাৰতত বাস কৰা মুছলমানসকলৰ সৈতে উচতনিমূলক আৰু ঘৃণাৰ ৰাজনীতি কৰি আছে।” পাকিস্তানৰ প্ৰাক্তন প্ৰধানমন্ত্ৰীগৰাকীয়ে ইছলামিক সহযোগিতা সংগঠনক ভাৰতৰ বিৰুদ্ধে কঠোৰ ব্যৱস্থা ল’বলৈ আহ্বান জনায়। পাকিস্তানৰ প্ৰধানমন্ত্ৰী শ্বাহবাজ শ্বৰীফে ইতিমধ্যে তেওঁৰ বিতৰ্কিত মন্তব্যৰ বাবে ভাৰতক সমালোচনা কৰিছে। 

এক টুইটযোগে তেওঁ কয়, “পয়গম্বৰ সম্পৰ্কে ভাৰতৰ বিজেপি নেতাৰ ক্ষতিকাৰক মন্তব্যক তীব্ৰ গৰিহণা দিছো। নৰেন্দ্ৰ মোডীৰ অধীনত ভাৰতত ধৰ্মীয় স্বাধীনতাক পদদলিত কৰা হৈছে। নিপীড়িতসকল হৈছে ইছলামৰ লোক। বিশ্বই প্ৰতিবাদ কৰা উচিত।” “ইছলামাবাদে অনুভৱ কৰে যে এই মন্তব্যই কেৱল পাকিস্তানৰ জনসাধাৰণেই নহয়, মুছলমানসকলৰ অনুভূতিক গভীৰভাৱে আঘাত কৰিছে।”