ৰাজ্যত পুনৰ সংঘটিত জঘন্য ধৰ্ষণ ঘটনা

দুই পাষণ্ডৰ কামনাৰ বলি এগৰাকী কণমানি

গোলাঘাটৰ শালমৰা বাগিছাত সংঘটিত হৈছে এই জঘন্য ঘটনা

পাষণ্ড চাৱন আৰু নোনোৰ বিৰুদ্ধে থানাত এজাহাৰ দাখিল

গোলাঘাটৰ শালমৰা বাগিছাত জঘন্য ঘটনা ৷ খৰি বিচাৰিবলৈ যোৱা এগৰাকী কণমানিক ধৰ্ষণৰ অভিযোগ দুই পাষণ্ডৰ বিৰুদ্ধে ৷ বাগিচাখনৰে চাৱন আৰু নোনো নামৰ দুজনৰ বিৰুদ্ধে গোলাঘাট আৰক্ষী থানাত এজাহাৰ দাখিল ভুক্তভোগী পৰিয়ালটোৰ ৷

এজাহাৰৰ পিছতেই আৰক্ষীয়ে চাৱন নামৰ যুৱকজনক সোধপোচৰ বাবে আটক কৰে ৷ আনহাতে সমগ্ৰ ঘটনাটো লুকুৱাই ৰাখিবলৈ ভুক্তভোগী যুৱতীগৰাকীক ডিঙিত দা লগাই ভাবুকি প্ৰদান কৰিছিল দুই পাষণ্ডই ৷ যাৰ বাবে ভুক্তভোগী যুৱতীগৰাকীয়ে দুদিনৰ পিছতহে ঘৰত কৈছিল সমগ্ৰ ঘটনাৰ কথা ৷

বৰ্তমান চাৱনক আটক কৰিছে যদিও আন এগৰাকী অভিযুক্ত নুনু এতিয়াও মুকলি আকাশৰ তলত ৷ ইফালে আটকাধীন চাৱনে এই সমগ্ৰ ঘটনাৰ মিছা বুলি সাংবাদিকৰ আগত জানিবলৈ দিয়ে। আৰক্ষীৰ উচিত তদন্ততহে পোহৰলৈ আহিব প্ৰকৃত সত্য ৷