ৰূপৰ পদকেৰে জিলিকিল অসম কন্যা লাভলীনা বৰগোহাঁই

আকৌ এবাৰ বিশ্ববাসীৰ আগত অসমৰ নাম উজ্বলালে লাভলীনা বৰগোহাঁই।এছিয়ান গেমছত লাভলীনা বৰগোহাঁইয়ে চীনৰ লিকিয়ানৰ বিৰুদ্ধে মহিলাৰ ৭৫ কিলোগ্ৰাম বক্সিং ফাইনেলত প্ৰতিদ্বন্দ্বিতা কৰি ৰূপৰ পদক অৰ্জন কৰিবলৈ সক্ষম হ’ল অসম কন্যাগৰাকীয়ে। বুধবাৰে দিনৰ ১.১৫ বজাত ৰিঙত নামিছিল লাভলীনা বৰগোহাঁইয়ে।

উল্লেখ্য যে, মঙলবাৰৰ দিনটো লাভলীনা বৰগোহাঁইয়ে থাইলেণ্ডৰ প্ৰতিদ্বন্দ্বীৰ বিৰুদ্ধে জয়ী হৈ এছিয়ান গেমছৰ বক্সিং প্ৰতিযোগিতাৰ ফাইনেলত প্ৰৱেশ কৰিছিল।ইয়াৰ সমান্তৰালভাৱে পেৰিছ অলিম্পিকলৈ যোগ্যতা অৰ্জন কৰিছিল অসম কন্যা লাভলীনা বৰগোহাঁই।

আজিৰ এই সফলতাৰ অৰ্জন কৰাৰ লগে লগে লাভলীনা বৰগোহাঁইয়ে আন্তঃৰাষ্ট্ৰীয় পৰ্যায়ৰ নিজৰ পদকৰ তালিকাত সংযোজিত কৰিলে বিশ্ব চেম্পিয়নশ্বিপৰ খিতাপ, অলিম্পিক পদক খিতাপৰ লগতে এছিয়ান গেমছৰ ৰূপৰ পদকৰ খিতাপ।