ছিকিমৰ বিধ্বংসী বানত ১৪জনৰ মৃত্যু, ১২০জন সন্ধানহীন

ডাৱৰ বিস্ফোৰণৰ ফলত জলপ্ৰলয়ৰ কবলত উত্তৰ ছিকিম।এতিয়াও অব্যাহত আছে উত্তৰ ছিকিমত সৃষ্টি হোৱা ভয়ংকৰ পৰিস্থিতিৰ ভয়াৱহতা। এই বানপানীৰ ফলত সেনা জোৱানসহ ১৪জনকৈ লোক নিহত হৈছে। ইয়াৰ উপৰিও ১০২ জনকৈ লোক এতিয়াও সন্ধানহীন আছে ইয়াৰে ২২ জন সেনা জোৱান।

বুধবাৰে সন্ধানহীন হোৱা ২৩জন সেনা জোৱানৰ ভিতৰত এজন লোকক উদ্ধাৰ কৰা হৈছে। মঙৰবাৰ আৰু বুধবাৰে মাজনিশা ১.৩০ বজাত আৰম্ভ হোৱা ছিকিমৰ বান পৰিস্থিতিৰ মাজতে ছোংথাং বান্ধৰ গেট খুলি দিয়াৰ ফলত পৰিস্থিত অধিক অৱনতি ঘটিছে।শেহতীয়াকৈ ছিকিম চৰকাৰে এলানি এই তথ্য় প্ৰকাশ কৰে।

ইয়াৰ উপৰিও ছিকিমৰ মুখ্য সচিব ভি বি পাঠকে কয় যে দেশৰ বিভিন্ন প্ৰান্তৰ পৰা প্ৰায় ৩,০০০ পৰ্যটক ৰাজ্য়খনৰ বিভিন্ন প্ৰান্তত আৱদ্ধ হৈ আছে।