৩১ ডিচেম্বৰৰ পিছত বন্ধ হৈ যাব পাৰে আপোনাৰ Google Pay, PhonePe আদিৰ UPI ID! শীঘ্ৰেই কৰক এইটো কাম

৩১ ডিচেম্বৰৰ পৰা বহুতে নিজৰ UPI ব্যৱহাৰ কৰিব নোৱাৰিব। ভাৰতীয় নেশ্যনেল পেমেণ্টছ কৰ্পৰেশ্যনে PhonePe আৰু Google Payৰ দৰে থাৰ্ড পাৰ্টি এপক UPI বন্ধ কৰিবলৈ নিৰ্দেশ দিছে। কিন্তু সকলোৰে ভয়ৰ কাৰণ নাই, কাৰণ এই নিৰ্দেশনা কেৱল সেইসকলৰ বাবেহে প্ৰযোজ্য যিসকলে যোৱা এবছৰ ধৰি কোনো লেনদেন কৰা নাই। NPCIয়ে কয় যে UPI বন্ধ কৰাৰ পূৰ্বে ব্যৱহাৰকাৰীসকলক বাৰ্তাৰ জৰিয়তে জাননী প্ৰেৰণ কৰিবলৈ পৰামৰ্শ দিয়া হৈছে।

নতুন বছৰৰ পৰা কোনো ধৰণৰ লেনদেন কৰিব নোৱাৰিব-যোৱা এবছৰত আপোনাৰ UPI IDৰ পৰা কোনো লেনদেন নহ’লে একাউণ্ট বন্ধ কৰা হ’ব। UPI ID বন্ধ কৰি দিবলৈ কোৱা হৈছে, যিটো এবছৰ ধৰি সক্ৰিয় হৈ থকা নাই। ২০২৩ চনৰ ৩১ ডিচেম্বৰৰ পৰা বন্ধ কৰিবলৈ নিৰ্দেশ দিয়া হৈছে। অৰ্থাৎ যদি কোনোবাই এবছৰ ধৰি ইউপিআই আইডিৰ সৈতে লেনদেন নকৰে তেন্তে ২০২৩ চনৰ ৩১ ডিচেম্বৰৰ পিছত বন্ধ হৈ যাব।

উচ্চতম ন্যায়ালয়ৰ নিৰ্দেশ অনুসৰি পুৰণি ব্যৱহাৰকাৰীৰ নিস্ক্ৰিয় নম্বৰ নতুন ব্যৱহাৰকাৰীক প্ৰদান কৰিব পাৰিব। সেই পৰিস্থিতিত প্ৰৱঞ্চনাৰ সম্ভাৱনা আছে। এই কাৰণেই পুৰণি আইডি বন্ধ কৰাৰ সিদ্ধান্ত লোৱা হৈছে। শেহতীয়া নিৰ্দেশত উচ্চতম ন্যায়ালয়ে কয় যে টেলিকম প্ৰদানকাৰীয়ে বন্ধ থকা নম্বৰসমূহ ৯০ দিনৰ পিছত নিষ্ক্ৰিয় কৰিব পাৰিব। সেই নম্বৰটো আন কাৰোবালৈও ট্ৰেন্সফাৰ কৰিব পাৰে।

কিন্তু, যদি কাৰোবাৰ যোৱা এবছৰ ধৰি UPI ID সক্ৰিয় হৈ আছে, অৰ্থাৎ যদি কোনোবাই সেই UPI IDৰ সৈতে লেনদেন কৰিছে, তেন্তে তেওঁলোকে চিন্তা কৰাৰ প্ৰয়োজন নাই।