দীপাৱলীৰ পূৰ্বেই সুখবৰ! ১ নৱেম্বৰৰ পৰা দৰমহা বাঢ়িব এইসকল কৰ্মচাৰীৰ

দীপাৱলীৰ পূৰ্বেই সুখবৰ!অৱশেষত অপেক্ষাৰ অন্ত পৰিল। দীপাৱলীৰ পূৰ্বেই দ্বিতীয় বৃহত্তম IT কোম্পানী Infosysৰ কৰ্মচাৰীৰ দৰমহা বৃদ্ধি পাব। কোম্পানীটোৱে আনুষ্ঠানিকভাৱে ঘোষণা কৰিছে যে অহা ১ নৱেম্বৰৰ পৰা কৰ্মচাৰীসকলে বৰ্ধিত দৰমহা লাভ কৰিব।

কোম্পানীটোৰ মুখ্য মানৱ সম্পদ (HR) বিষয়া শ্বাজী মেথিউৱে টাউন হলৰ এখন বৈঠকৰ সময়ত এই খবৰটো ঘোষণা কৰে। যোৱা কেইমাহমানৰ পৰা বাৰ্ষিক দৰমহা বৃদ্ধি স্থগিত ৰখাৰ পিছত ইনফ’ছিছে এই পদক্ষেপ গ্ৰহণ কৰে।

ইনফ’ছিছৰ জ্যেষ্ঠ পৰিচালনা পৰ্যায়ৰ তলৰ কৰ্মচাৰীৰ বাবে এপ্ৰিল মাহত বাৰ্ষিক দৰমহা বৃদ্ধিৰ নিয়ম আছে। জুলাই মাহত কোম্পানীটোৰ অন্যান্য কৰ্মচাৰীৰ দৰমহা বৃদ্ধি পাইছে।

এই বছৰ ইনফ’ছিছে উদ্যোগটোৰ প্ৰতিকূল পৰিস্থিতি অতিক্ৰম কৰিবলৈ ব্যৱসায়িক অনুকূলনৰ বাবে দৰমহা বৃদ্ধি স্থগিত ৰাখিছিল। আচলতে IT খণ্ডৰ কোম্পানীসমূহৰ মূল্যায়ন এপ্ৰিল মাহত হয়। ইয়াৰ পিছত জুলাই মাহত কৰ্মচাৰীসকলৰ দৰমহা বৃদ্ধি কৰা হয়। কিন্তু এই বছৰত অৰ্থাৎ ২০২৩ চনত ইনফ’ছিছে বজাৰৰ অৱস্থা উন্নত হোৱাৰ বাবে কৰ্মচাৰীসকলৰ দৰমহা বৃদ্ধি কৰাৰ সিদ্ধান্ত লৈছে।