জম্মু-কাশ্মীৰত পুনৰ সন্ত্ৰাসবাদীৰ বৰ্বৰ আক্ৰমণ : ৫ জন সেনা জোৱান নিহত
জম্মু-কাশ্মীৰত পুনৰ সন্ত্ৰাসবাদীৰ আক্ৰমণ সংঘটিত হৈছে। বৃহস্পতিবাৰে আবেলি প্ৰায় ৩:৪৫ বজাত ৰাজৌৰী-থানামান্দি-চুৰানকোট পথৰ চাৱনী অঞ্চলত এই আক্ৰমণ সংঘটিত হয়।
বিষয়া সকলে জনোৱা মতে সন্ত্ৰাসবাদীৰ আক্ৰমণত সেনাৰ দুখন বাহনত থকা চাৰিজন জোৱান নিহত আৰু তিনিজন আহত হয়।
বুধবাৰে নিশাৰ পৰা সন্ত্ৰাসবাদীৰ বিৰুদ্ধে অভিযান চলি আছিল। অভিযানটো ডিকেজি থানামন্দি, ৰাজৌৰীৰ সাধাৰণ এলেকাৰ ওপৰত কেন্দ্ৰীভূত আছিল।
সন্ত্ৰাসবাদীসকলে কনভয়ৰ ওপৰত গুলীচালনা কৰে, যাৰ ভিতৰত আছিল এখন ট্ৰাক আৰু এখন জিপচী।
সংবাদ সংস্থা পিটিআইৰ মতে, পাকিস্তান ভিত্তিক লস্কৰ-ই-তৈবা (এলইটি)ৰ এটা শাখা পিপলছ এণ্টি-ফেচিষ্ট ফ্ৰণ্টে (পিএএফএফ) এই আক্ৰমণৰ দায়িত্ব স্বীকাৰ কৰিছে।
জম্মু-কাশ্মীৰৰ দুজন প্ৰাক্তন মুখ্যমন্ত্ৰী গুলাম নবী আজাদ আৰু মেহবুবা মুফতীয়ে এই আক্ৰমণক তীব্ৰ গৰিহণা দিয়ে।
সংলগ্ন ৰাজৌৰী জিলাৰ বাজিমাল বনাঞ্চলত সংঘৰ্ষৰ কেইবা সপ্তাহৰ পিছত এই আক্ৰমণ সংঘটিত হৈছিল, য’ত যোৱা মাহত দুজন কেপ্টেইনসহ পাঁচজন সেনা জোৱান নিহত হৈছিল।
