নতুন NPS নিয়ম; গ্ৰাহকে এতিয়া UPI QR Codeৰ জৰিয়তে জমা কৰিব পাৰিব ধন, সৱিশেষ জানি লওক

NPSৰ গ্ৰাহকসকলে এতিয়াৰে পৰা পোনপটীয়াকৈ ধন জমা কৰিব পাৰিব। ইউনিফাইড পেমেণ্ট ইন্টাৰফেচ (UPI) QR ক’ড ব্যৱহাৰ কৰি ডি-ৰেমিট প্ৰক্ৰিয়াৰ জৰিয়তে আপুনি NPSত ধন জমা কৰিব পাৰিব। DRemitৰ ক্ষেত্ৰত QR Code-UPIৰ ব্যৱহাৰ NPS অৱদানৰ বাবে ইতিবাচক আৰু বৈপ্লৱিক পদক্ষেপ হিচাপে বিবেচনা কৰিব পাৰি।

UPIৰ জৰিয়তে পেঞ্চন পুঁজি নিয়ামক আৰু উন্নয়ন কৰ্তৃপক্ষই (PFRDA) ৰাষ্ট্ৰীয় পেঞ্চন ব্যৱস্থাৰ (NPS) গ্ৰাহকৰ বাবে এক নতুন সুবিধা ঘোষণা কৰিছে। এতিয়া গ্ৰাহকসকলে UPI-QR Code ব্যৱহাৰ কৰি DRemit প্ৰক্ৰিয়াৰ জৰিয়তে NPSত পোনপটীয়াকৈ নিজৰ অৱদান জমা দিব পাৰিব।

NPSৰ বাবে অৱদান প্ৰক্ৰিয়া সৰল কৰা আৰু ইয়াক অধিক সুলভ আৰু কাৰ্যক্ষম কৰা এই পদক্ষেপৰ লক্ষ্য। PFRDAই কয় যে, ‘‘যিসকলৰ ৰাষ্ট্ৰীয় পেঞ্চন ব্যৱস্থা আছে, তেওঁলোকৰ বাবে ই সদায় সঞ্চয়ৰ এক নিৰ্ভৰযোগ্য উৎস আৰু তেওঁলোকৰ আৰ্থিক ভৱিষ্যত সুৰক্ষিত কৰে।’’

QR ক’ডৰ ব্যৱহাৰ: ডি-ৰেমিটৰ বাবে UPIৰ ব্যৱহাৰে NPS গ্ৰাহকৰ অৱদানক অধিক সুলভ, কাৰ্যক্ষম আৰু নমনীয় কৰি তোলে। এই পদক্ষেপে NPSৰ গ্ৰাহকসকলক একাউণ্টৰ নিয়ন্ত্ৰণ ল’বলৈ সক্ষম কৰে। ইয়াৰ উপৰিও তেওঁলোকক অৱসৰৰ সময়ত সঞ্চয়ৰ সুবিধা, পদ্ধতিগত বিনিয়োগ পৰিকল্পনাও প্ৰদান কৰে।