আজিৰে পৰা আফগানিস্তানৰ বিৰুদ্ধে টীম ইণ্ডিয়াৰ T20 শৃংখলা, মেচত অংশ নলয় বিৰাট কোহলিয়ে
আজি নতুন বছৰত প্ৰথমবাৰৰ বাবে টীম ইণ্ডিয়াই ঘৰুৱা খেলপথাৰত অৱতৰণ কৰিব। সন্মুখত আফগানিস্তান। আজি মোহালিৰ আই এছ বিন্দ্ৰা ষ্টেডিয়ামত ভাৰত আৰু আফগানিস্তানৰ মাজত অনুষ্ঠিত হ’বলগীয়া তিনিখন খেলৰ টি-২০ শৃংখলাৰ প্ৰথমখন খেল অনুষ্ঠিত হ’ব। সন্ধিয়া ৭ বজাৰ লগে লগে অনুষ্ঠিত হব খেলখন।
অৱশ্যে, প্ৰথম টি-২০ত ভাৰতৰ ৰান মেচিন বিৰাট কোহলী আৰু আফগানিস্তানৰ মুখ্য বোলাৰ ৰছিদ খান উপলব্ধ নাথাকিব। বিৰাট দ্বিতীয়খন টি-২০ৰ পৰা টীম ইণ্ডিয়াৰ অংশ হ’ব। ৰছিদ গোটেই টি -২০ শৃংখলাৰ বাহিৰত আছে।
২০২৪ চনৰ টি-২০ বিশ্বকাপৰ পূৰ্বে এইটো ভাৰতৰ অন্তিম টি-২০ শৃংখলা। অধিনায়ক ৰোহিত শৰ্মাই দীৰ্ঘদিনৰ পিছত t-২০ ফৰ্মেটলৈ উভতি আহিছে। তেওঁ শেষবাৰৰ বাবে ২০২২ চনৰ টি-২০ বিশ্বকাপত টি-২০ খেলিছিল।
ভাৰতৰ সম্ভাব্য playing11: ৰোহিত শৰ্মা (অধিনায়ক), যশস্বী জয়ছোৱাল, শুভমান গিল, তিলক বৰ্মা, ৰিংকু সিং, সঞ্জু চেমচন / জিতেশ শৰ্মা (উইকেটকিপাৰ), অক্ষৰ পেটেল, অৰ্শদীপ সিং, আবেশ খান, কুলদীপ যাদৱ / ৰবি বিষ্ণোই আৰু মুকেশ কুমাৰ।
আফগানিস্তানৰ সম্ভাব্য playing11: হজৰতুল্লাহ জাজাই, ৰহমানুল্লাহ গুৰবাজ (ৱিকে), ইব্ৰাহিম জাদৰান (গ), নাজিবুল্লাজাদন, মহম্মদ নবী, আজমতুল্লাহ উমাৰজাই, মুজিব উৰ ৰহমান, কাইছ আহমেদ, নুৰ আহমেদ, নবীন-উল-হক আৰু ফজলহক ফাৰুকী
